Дар ноҳияи Мастчоҳи вилояти Суғд ҳолати қасдан расонидани зарари вазнин ба саломатӣ ошкор ва нисбати гумонбар парвандаи ҷиноятӣ оғоз карда шуд.
24 июли соли 2025 дар натиҷаи гузаронидани чорабиниҳои оперативӣ-ҷустуҷӯӣ шаҳрванд Ҳикматов Ҳидоятулло, соли таваллудаш 1982, сокини ҷамоати деҳоти Оббурдон дастгир карда шуд.
Номбурда тахминан соати 13:00 дақиқа бар асари муноқишаи оилавӣ бо падарарӯсаш Бадиев М.Б., соли таваллудаш 1958, ҷангу муноқиша намуда, бо корд се маротиба ба қафаси синаи ӯ зарба задааст. Дар натиҷа Бадиев М.Б. ҷароҳатҳои вазнини ҷисмонӣ бардошта, дар беморхона бистарӣ гардидааст.
Нисбати Ҳикматов Ҳ.Н. бо моддаи 110 қисми 2 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, тафтишот идома дорад.