Бо ташаббус ва ибтикори роҳбарияти ВКД, ҳайати шахсии мақомоти корҳои дохилӣ ва ҷузъу томҳои он ҳамеша дар ҳама гуна чорабиниҳои илмиву фарҳангӣ, варзишиву бадеӣ иштирок намуда, донишу ҷаҳонбинии худро ғанӣ мегардонанд.

 22 июни соли 2024 роҳбарият ва ҳайати шахсии Воҳидоти таъиноти махсуси милитсияи Вазорати корҳои дохилӣ аз намоишномаи театрии «Агар ҷанг намебуд», ки аз рӯйи асари Давлат Худоёрзода гирифта шудааст ва дар таҳияи ҳунармандони Муассисаи давлатии «Театри давлатии академии драмавии ба номи А. Лоҳутӣ» намоиш дода шуд, дидан намуданд.

Ҳунармандони театри мазкур нақшҳоро дар сатҳи баланд иҷро намуда, кормандони мақомоти корҳои дохилӣ аз иштирок дар ин намоишнома ва бардошти худ аз он ба ҳунарпешагон арзи сипос намуданд.