Бо мақсади ташвиқу тарғиби варзиш, тарзи ҳаёти солим дар байни кормандону варзишгарон, такмили минбаъдаи тарбияи ҷисмонӣ, амалӣ намудани Барномаи рушди тарбияи ҷисмонӣ дар Ҷумҳурии Тоҷикистон барои солҳои 2022-2026, мусобиқаи шахсӣ-даставӣ оид ба гуштини «Самбо» барои дарёфти «Ҷоми Вазири корҳои дохилии Ҷумҳурии Тоҷикистон» бахшида ба таҷлили «Рӯзи милитсия» аз 
31-ум октябр то 1-уми ноябри соли 2025 дар толори Маҷмааи варзишии Шӯрои ҷумҳуриявии «Динамо»-и Вазорати корҳои дохилии Ҷумҳурии Тоҷикистон баргузор гардид.
Мусобиқаи мазкур таҳти роҳбарии муовини якуми Раиси Шӯрои ҷумҳуриявии «Динамо»-и ВКД Ҷумҳурии Тоҷикистон полковники хизмати дохилӣ Шоҳиён Аслиддин Назрӣ баргузор гардида, ғолибон бо мукофотҳои гуногун ва туҳфаҳои хотиравӣ сарфароз гардиданд.