Ба ШВКД дар шаҳри Ваҳдат бо ариза марди 53-солаи сокини шаҳри мазкур муроҷиат намудааст, ки 26-уми ноябри соли 2024, тахминан соати 20:45-дақиқа, “Исмат” ном шахс ва дигар рафиқонаш ҳангоми дар деҳаи Мачитони шаҳри мазкур қарор доштанаш аз ҳиссиёти авбошӣ ӯро дашномҳои қабеҳ дода, бо олоти халандаю бурранда ба сараш ва пояш зада, ба саломатиаш ҷароҳатҳои ҷисмонӣ расонидаанд. 
Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 43-солаи сокини ҳамин шаҳр ҳамчун гумонбар дар содир намудани ҷинояти авбошӣ дастгир карда шуд. 
Аз рӯи ин ҳодиса тафтишот идома дорад.