Ба ШВКД-2 дар ноҳияи Шоҳмансур бо ариза марди 36-солаи сокини ноҳияи мазкур муроҷиат намудааст, ки 8-уми ноябри соли 2024, тахминан соати 19:30-дақиқа, ҳангоми дар кӯчаи Д.Халқҳои шаҳри Душанбе қарор доштанаш "Мискин" ном шахс аз ҳиссиёти авбошӣ бо истифода аз олоти оҳанин (кастет) якчанд маротиба ба рӯяш зада, аз ҷойи ҳодиса ғайб задааст.
Дар натиҷа, ҷабрдида зарари ҷисмонӣ бардоштааст.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 31-солаи сокини шаҳри Душанбе ҳамчун гумонбар дар содир намудани ҷинояти авбошӣ дастгир карда шуд. 
Аз рӯи ҳодисаи мазкур тафтишот идома дорад.