7-уми ноябри соли 2024, бахшида ба таҷлили Иди касбии кормандони милитсия дар РВКД дар минтақа ва ноҳияи Рашт чорабинии идона бо иштироки сардори раёсати мазкур генерал-майори милитсия Фатозода Абдусатор Абдуқаҳор, Раиси ноҳияи Рашт Идизода Зарина Фузайлшо, намояндагони мақомоти ҳифзи ҳуқуқ ва ҳайати шахсии ҳамин раёсат доир гардид.
Чорабинии тантанавӣ бо садо додани Суруди миллӣ оғоз гардид.
Нахуст, сардори РВКД дар минтақа ва ноҳияи Рашт генерал-майори милитсия Фатозода Абдусатор Абдуқаҳор ҳозиринро бахшида ба ин санаи хотирмон табрику таҳният намуда, зикр кард, ки аз ҷониби Президенти Ҷумҳурии Тоҷикистон муҳтарам Эмомалӣ Раҳмон барои кӯшишу заҳматҳои кормандони милитсия, хусусан дар барқарорсозии сохти конститутсионӣ, мубориза бар зидди гурӯҳҳои хиёнатпешаву ҷинояткор, таъмин намудани сулҳу оромӣ дар кишвар ва суботи сиёсӣ баҳои баланд дода шудааст. 
Ҳамасола дар ин рӯз мо аз таърихи милитсияи тоҷик ёдовар гардида, ранҷу заҳмат ва талошу кӯшишҳои шабонарӯзии кормандони мақомоти корҳои дохилиро дар таъмини ҳифзи тартиботи ҷамъиятӣ, мубориза бо ҷинояткорӣ ва пешгирии амалу кирдорҳои ғайриқонунӣ пеши назар меорем.
Милитсия аз замони таъсисёбӣ то имрӯз масъулияти басо ҳассосу душвор, ҳифзи молу мулк, ҳимояи ҳуқуқу манфиатҳои мардум, таъмини тинҷиву осоиштагӣ ва мубориза бо ҷинояткориро ба уҳда дошт ва дорад.
Дар ҷараёни чорабинӣ меҳмонону собиқадорон баромад намуда, кормандони РВКД дар минтақа ва ноҳияи Раштро ба муносибати ҷашни Рӯзи милитсияи тоҷик табрику таҳният намуда, ба онҳо барору комёбиҳо таманно намуданд.
Дар хотимаи ҷорабинӣ ба як қатор кормандоне, ки зимни фаъолияти хихматӣ ба натиҷаҳои назаррас ноил гардидаанд, рутбаҳои навбатӣ, медалу нишонҳои сарисинагӣ ва Ифтихорномаю Сипосномаҳо тақдим карда шуд.
Гул Маҳбуба