31-уми октябри соли 2024, тахминан соати 18:30-дақиқа, ронандаи автомашинаи тамғаи “ДЭУ-Ланос”, Ахмедов Асрориддин Исматуллоевич, соли таваллудаш 1994, сокини шаҳри Ҳисор, ҳангоми ҳаракат аз самти деҳаи Чаманистон дар роҳи мошингарди ҷамоати деҳоти Сомонии шаҳри Ҳисор аз уҳдаи идораи воситаи нақлиёт набаромада, пиёдагард Мирзоева Азиза Музафаровна, соли таваллудаш 1989, сокини шаҳри мазкурро пахш намудааст.
Дар натиҷа, Мирзоева А. ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
1-уми ноябри соли 2024, тахминан соати 02:30-дақиқа, ронандаи автомашинаи тамғаи “ВАЗ 2115”, Раҷабов Дилшод Аҳроршоевич, соли таваллудаш 2002, сокини ноҳияи Рӯдакӣ, ҳангоми ҳаракат дар шоҳроҳи “Ҳисор-Душанбе”, дар ҳудуди ҷамоати деҳоти Чоряккорони ноҳияи Рӯдакӣ аз уҳдаи идораи воситаи нақлиёт набаромада, ба бетони канори роҳ бархӯрда, воситаи нақлиётро чаппа намудааст.
Дар натиҷа, мусофири дохили воситаи нақлиёт Шарипова Шоҳида Ғуломовна, соли таваллудаш 2000, сокини шаҳри Душанбе, ҷароҳатҳои гуногуни ҷисмонӣ бардошта, дар беморхона ба ҳалокат расидааст.
Аз рӯи ин ҳодисаҳо таҳқиқот идома дорад.