23-юми октябри соли 2024, тахминан соати 15:30-дақиқа, ронандаи автомашинаи тамғаи «Дайво-Сиело», Ризоев Маҳмад Раҷабович, соли таваллудаш 1968, сокини ноҳияи Мастчоҳ, ҳангоми ҳаракат дар роҳи автомобилгарди ноҳияи Мастчоҳ аз уҳдаи идораи воситаи нақлиёт набаромада, ба монеаи канори роҳ бархӯрдааст. 
Дар натиҷа, мусофирони автомашинаи мазкур Ҳофизов Суҳроб Собирович, соли таваллудаш 1992 ва Раҳматов Алишер Мирзоакбарович, соли таваллудаш 1983, сокинони ноҳияи Мастчоҳ, ҷароҳатҳои гуногуни ҷисмонӣ бардошта, дар  беморхона  ба ҳалокат расидаанд. 
23-юми октябри соли 2024, тахминан соати 17:30-дақиқа, ронандаи автомашинаи тамғаи “Хонда-Акорд”, Холиқов Шодмон Бегиҷонович, соли таваллудаш 1990, сокини ноҳияи Нуробод, ҳангоми ҳаракат дар шоҳроҳи байналмилалии “Ваҳдат-Рашт-Лахш”, дар ҳудуди ноҳияи Файзобод аз уҳдаи идораи воситаи нақлиёт набаромада, ба қисмати канори чапи роҳ баромада, ба автомашинаи тамғаи “Муссо”, таҳти идораи ронанда Зайдов Сайхӯҷа Саъдихонович, соли таваллудаш 1987, сокини шаҳри Роғун, бархӯрдааст. 
Дар натиҷа, мусофирони дохили автомашинаи тамғаи “Хонда-Акорд”, Холиқов Бала, соли таваллудаш 1946, Юсупов Абдураҳмон, соли тааллудаш 1957, сокинони ноҳияи Нуробод ва худи ронандаи автомашинаи тамғаи “Хонда-Акорд”, Холиқов Ш.Б. дар ҷойи ҳодиса ба ҳалокат расидаанд.
Мусофири дигари дохили автомашина Юсупова Сайёҳат, соли таваллудаш 1963, сокини ҳамон ҷо, ҷароҳатҳои ҷисмонӣ бардошта, дар беморхона бистарӣ гардидааст.
Оид ба ин ҳодисаҳо таҳқиқот идома дорад.