Дар натиҷаи баргузор намудани чорабиниҳои оперативӣ-ҷустуҷӯӣ аз ҷониби кормандони милитсия зани 46-солаи сокини ноҳияи Б.Ғафуров бо гумони азонихудкунӣ ё исрофкорӣ дастгир карда шуд.
Гумонбаршаванда, аз 1-уми ноябри соли 2023 то 10-уми августи соли 2024 дар ҶДММ «Реал Трейдинг» ба ҳайси намояндаи тиҷоратӣ кору фаъолият намуда, бо мақсади азонихудкунӣ ва ба даст овардани фоидаи муфт маҳсулоти қаннодие, ки аз ҷониби ширкат барои ба фурӯш ба ӯ бовар карда супорида шудааст, қабул намудааст. Сирас маҳсулоти қаннодии номгӯи «Алёнка», «Птичье молоко» ва «Москва»-ро ба нуқтаҳои фурӯши маҳсулоти қаннодӣ ба дуконҳои бозори «Панҷшанбе»-и шаҳри Хуҷанд супорида, маблағҳои онҳоро азони худ намуда, ба манфиати шахсиаш сарф карда, ба ширкати мазкур 102 ҳазору 410 сомонӣ зарари моддӣ расонидааст.
Нисбати гумонбаршаванда, парвандаи ҷиноятӣ бо қисми 1 моддаи 245 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.