18-уми октябри соли 2024, тахминан соати 13:30-дақиқа, ронандаи автомашинаи тамғаи «Дэу-Тико», Усупов Юсуфҷон, соли таваллудаш 1958, сокини шаҳри Конибодом, ҳангоми ҳаракат дар чорроҳаи кӯчаи Айнии шаҳри Конибодом аз уҳдаи идораи воситаи нақлиёт набаромада, ба автомашинаи тамғаи «Мерседес-Бенс-180», таҳти идораи Ғаффоров Хуршед Абдурауфович, соли таваллудаш 2000, сокини ноҳияи мазкур, ки аз самти шаҳри Конибодом ба самти Коллеҷи тиббии ҳамин шаҳр ҳаракат мекард, бархӯрда, чарх зада бо паҳлӯи чапи автомашина ба қисми пеши автомашинаи тамғаи «Тайота-Каролла Версо», таҳти идораи Сулаймонов Абдуллоҷон, соли таваллудаш 1954, сокини ҳамин шаҳр, бархӯрдааст.
Дар натиҷа, ронандаи автомашинаи тамғаи «ДЭУ-Тико», Усупов Ю. ҷароҳати ҷисмонӣ бардошта дар беморхона бистарӣ гардида, мусофири дохили автомашинаи мазкур Ҷамолов Бозорбой Ҷӯрабоевич, соли таваллудаш 1971, сокини шаҳри Конибодом, ҷароҳатҳои ҷисмонӣ бардошта, дар беморхона ба ҳалокат расидааст. 
Оид ба ин ҳодиса таҳқиқот идома дорад.