16-уми октябри соли 2024, тахминан соатҳои 10:00, ронандаи автомашинаи тамғаи “ВАЗ 2115”, Лақаев Некшоҳ Искандарович, соли таваллудаш 1999, сокини ноҳияи Ҳамадонӣ ҳангоми ҳаракат дар ҳудуди ҷамоати деҳоти Қаҳрамони ноҳияи Ҳамадонӣ аз уҳдаи идораи идораи воситаи нақлиёт набаромада, дучархарон Маликов Сайидмаҳмуд, соли таваллудаш 1966, сокини ноҳияи мазкурро пахш намудааст. 
Дар натиҷа дучархарон Маликов С. ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст. 
Худи ронандаи автомашинаи мазкур Лақаев Н.И. ҷароҳатҳои гуногуни ҷисмонӣ бардошта, дар беморхона бистарӣ гардидааст. 
15-уми октябри соли 2024, тахминан соати 09:50-дақиқа, ронандаи автомашинаи тамғаи “Тайота Камри”, Шерзоди Ашрафхон, соли таваллудаш 1990, сокини шаҳри Душанбе, ҳангоми ҳаракат дар қатори 2-юм бо роҳи мошингарди кӯчаи Борбади шаҳри Душанбе аз самти маҳаллаи Гипрозем ба самти кӯчаи Фирдавсӣ, дар рӯ ба рӯи бинои мағозаи “Дарвоз” пиёдагард Абдулов Худойдод Муъминович, соли таваллудаш 1982, сокини шаҳри Ҳисорро пахш намуда, баъдан ба қисмати қанори рости роҳ баромада, ноболиғ Партоев Сунатулло Фатҳуддинович, соли таваллудаш 2008, сокини шаҳри Ҳисорро пахш намудааст. 
Дар натиҷа, пиёдагардон Абдулов Х. ва Партоев С. ҷароҳатҳои гуногуни ҷисмонӣ бардошта, дар беморхона бистарӣ гардида, Абдулов Х.М. дар онҷо ба ҳалокат расидааст.
16-уми октябри соли 2024, тахминан соати 06:45-дақиқа, ронандаи автомашинаи тамғаи «Мерседес-Бенс», Пулотов Абдусаид Баҳруллоевич, соли таваллудаш 1996, сокини ноҳияи Айнӣ ҳангоми ҳаракат дар шоҳроҳи «Айнӣ-Панҷакент», дар 44-ум километри ҳудуди деҳаи Вогати ҷамоати деҳоти Урметани ноҳияи Айнӣ аз уҳдаи идораи воситаи нақлиёт набаромада, аз сабаби бо суръати баланд ҳаракат намуданаш ба бетони муҳофизатии канори рости роҳ бархӯрдааст.
Дар натиҷа, ронанда Пулотов А.Б. ҷароҳатҳои ҷисмонӣ бардошта, дар беморхона бистарӣ гашта, мусофири автомашинаи мазкур Бобохонова Башорат Аҳмадхоновна, соли таваллудаш 1979, сокини ноҳияи Айнӣ, ҷароҳати вазнини ҷисмонӣ бардошта дар ҷойи ҳодиса ба ҳалокат расидааст.
Мусофири дигари автомашинаи мазкур  Бобохониён Мадинаи Ҷаҳонгирхон, соли таваллудаш 2005, сокини ноҳияи Айнӣ, дар беморхона ба ҳалокат расидааст.
Оид ба ин ҳодисаҳо таҳқиқот идома дорад.