14-уми октябри соли 2024, тахминан соати 19:20-дақиқа, ронандаи скутер Давлатов Рустам, соли таваллудаш 1976, сокини ноҳияи Дустӣ, ҳангоми ҳаракат аз самти маркази ҳамин ноҳия ба самти ҷамоати деҳоти Г.Гулмуродов аз уҳдаи идораи воситаи скутераш набаромада, дар канори чапи роҳи мошингард чаппа шудааст. 
Дар  натиҷа,  мусофираш Давлатова Р., соли таваллудаш 1980, сокини ҳамон ҷо, ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидааст. 
15-уми октябри соли 2024, тахминан соати 12:30-дақиқа, ронандаи автомашинаи тамғаи «Опел-Астра», Нарзуллозода Аҳмадҷон Тавакал, соли таваллудаш 2005, сокини ноҳияи Варзоб, ҳангоми ҳаракат дар роҳи мошингарди деҳаи Лучоб ба тарафи шаҳри Душанбе аз уҳдаи идораи воситаи нақлиёт набаромада, пиёдагарди ноболиғ, Розиқов Шоҳин Ҳасанович, соли таваллудаш 2007, сокини ноҳияи мазкурро пахш намудааст,
Дар натиҷа, пиёдагарди ноболиғ Розиқов Ш.Ҳ. ҷароҳатҳои вазнини ҷисмонӣ бардошта, дар ҷойи ба ҳалокат расидааст. 
15-уми октябри соли 2024, тахминан соати 15:30-дақиқа, ронандаи автомашинаи тамғаи «Мерседес-Бенс», Абдулқосимов Ғолиб Каримҷонович, соли таваллудаш 1976, сокини ноҳияи Ашт, ҳангоми ҳаракат аз самти деҳаи Ашт ба самти деҳаи Дӯстӣ аз уҳдаи идораи воситаи нақлиёт набаромада, ба самти муқобили роҳ баромада, аз роҳ берун гашта, ба контейнери қади роҳ задааст.
Дар натиҷа, мусофири дохили автомашина Эшматов Фазлиддин, соли таваллудаш 1970, сокини ноҳияи Ашт, дар ҷойи ҳодиса ба ҳалокат расида, худи ронанда Абдулқосимов Ғ.К. ҷароҳатҳои ҷисмонӣ бардошта, дар беморхона бистарӣ гардидааст.
Оид ба ин ҳодисаҳо таҳқиқот идома дорад.