8-уми сентябри соли 2024, тахминан соати 02:50-дақиқа, ронандаи автомашинаи тамғаи «Мерседес Бенс», Аюбов Ромиз Ҷамшедович, соли таваллудаш 1994, сокини ноҳияи Ҷ.Балхӣ, ҳангоми ҳаракат аз самти кӯчаи Р.Набиев ба самти кӯчаи Ҷ.Расулови шаҳри Душанбе, дар рӯ ба рӯи нуқтаи сӯзишвории «Газпромнефт» аз уҳдаи идораи воситаи нақлиёт набаромада, ба симчӯби оҳанини канори роҳ бархӯрдааст. 
Дар натиҷа, мусофири автомашинаи мазкур Раҷабов Умед Файзалиевич, соли таваллудаш 1992, сокини ноҳияи Дӯстӣ ва худи ронанда Аюбов Р.Ҷ. ҷароҳатҳои гуногуни ҷисмонӣ бардошта дар беморхона бистарӣ гардидаанд.
Мусофири дигари автомашинаи мазкур Латипов Ҷамшед Абдуллоевич, соли таваллудаш 1985, сокини ноҳияи Кӯшониён ҷароҳатҳои вазнини ҷисмонӣ бардошта, дар беморхона ба ҳалокат расидааст. 
7-уми августи соли 2024, тахминан соати 19:30-дақиқа, ронандаи автомашинаи тамғаи “Хундай-Старекс”, Туйчиев Нозимҷон Абдураҳмонович, соли таваллудаш 1993, сокини шаҳри Турсунзода, ҳангоми ҳаракат аз самти маҳаллаи 5-уми шаҳри Турсунзода ба сӯи ҷамоати деҳоти Ҷ.Раҳмонов, дар ҳудуди роҳи мошингарди ҷамоати деҳоти Сешанбеи шаҳри мазкур Ғафуров Зокирҷон Ғафурович, соли таваллудаш 1956, сокини ҳамин ноҳияро пахш кардааст.
Дар натиҷа, номбурда ҷароҳатҳои вазини ҷисмонӣ бардошта, дар ҷойи ҳодиса ба ҳалокат расидааст.
Оид ба ин ҳодисаҳо таҳқиқот идома дорад.