22-юми августи соли 2024, тахминан соати 19:30-дақиқа, ронандаи  автомашинаи тамғаи “Тайота Виш”, Сафаров Ҷонибегҷон Имомназарович, соли таваллудаш 1985, сокини шаҳри Кӯлоб, ҳангоми ҳаракат бо кӯчаи Маяковский аз тарафи кӯчаи Шестопавлов ба самти кӯчаи С.Шерозӣ, дар рӯ ба рӯи бинои истиқоматии №93/2-и кӯчаи Маяковский пиёдагарди шахсияташ номаълум марди тахминан 70-соларо пахш намудааст. 
Дар натиҷа, пиёдагард ҷароҳатҳои гуногуни ҷисмонӣ бардошта, аз ҷониби худи ронанда ба беморхона дастрас карда шуда, дар беморхона ба ҳалокат расидааст. 
Ҳангоми  гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки ин ҷасади  Мамадаминов Мамараим, соли таваллудаш 1946, сокини шаҳри Душанбе мебошад.
23-юми августи соли 2024, тахминан соатҳои 13:00, ронандаи автомашинаи тамғи “ВМВ”, Алимов Зуҳриддин Насимхонович, соли таваллудаш 2002, сокини ноҳияи А.Ҷомӣ, ҳангоми ҳаракат аз самти шаҳри Душанбе ба самти шаҳри Бохтар дар ҳудуди ҷамоати деҳоти С.Айнии ноҳияи Хуросон аз уҳдаи идораи воситаи нақлиёт набаромада ба автомашинаи барқии (электромобил) тамғаи “GAC-AION”, ронандааш Аҳмадов Ҳотам Шарифович, соли таваллудаш 1966, сокини шаҳри Душанбе, ки дар қатори дуюм ҳаракат мекард, бархӯрдааст. 
Дар натиҷа, автомашинаи барқӣ ба чуқурии рости роҳ чаппа  шуда, мусофири дохили он ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст. 
Мусофири дигараш ҷароҳати ҷисмонӣ бардошта, дар беморхона бистарӣ гардидааст.
Оид ба ин ҳодисаҳо таҳқиқот идома дорад.