Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки ноболиғи 17-солаи сокини ноҳияи Спитамен, 6-уми августи соли 2024, тахминан соати 13:00, барои тозаву озода намудани ҳавлии истиқоматиашон партовҳояшро ба қафои манзилашон бурда, дар партовгоҳ оташ мезанад.
Дар натиҷа оташ баланд шуда, ба манзили истиқоматии ҳамсояаш пирамарди 79-солаи сокини ҳамин ноҳия гузаштааст. 
Дар натиҷаи сӯхтор 96 метри мураббаъ сӯхта, зарари он 44 ҳазору 800 сомониро ташкил медиҳад. 
Нисбати гумонбаршаванда парвандаи ҷиноятӣ бо қисми 1 моддаи 256 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.