15-уми августи соли 2024, тахминан соати 09:10-дақиқа, ронандаи автомашинаи тамғаи ”Хундай-Портер”, Фатҳуддинов Даврон, соли таваллудаш 1997, сокини ноҳияи Файзобод, ҳангоми ҳаракат бо кӯчаи Балх аз самти кӯчаи Ҷ.Расулов ба самти бозори “Балх”-и шаҳри Душанбе дар чорроҳаи кӯчаи Балх-Аробхотун, дучархарон Раупов Ҳалим Қаюмович, соли таваллудаш 1956, сокини шаҳри Душанберо пахш намудааст. 
Дар натиҷа, дучархарон ҷароҳатҳои вазнини ҷисмонӣ бардошта аз ҷониби худи ронанда ба беморхона дастрас гардида, пас аз чанд дақиқа дар беморхона ба ҳалокат расидааст. 
15-уми августи соли 2024, тахминан соати 11:00, дар ҳудуди ноҳияи Варзоб автомашинаи тамғаи “Опел-Караван”, таҳти идораи ронанда Дахте Заур Рустамович, соли таваллудаш 1936, сокини шаҳри Душанбе, ҳангоми ҳаркат аз самти шаҳри Душанбе ба самти вилояти Суғд аз уҳдаи идораи воситаи нақлиёт набаромада, ба автомашинаи боркаши тамғаи “Мерседес”, таҳти идораи ронанда Хоҷаев Носир Иноятович, соли таваллудаш 1963, сокини ноҳияи Кӯшониён бархӯрдааст.
Дар натиҷа ронандаи автомашинаи тамғаи “Опел-Караван” Дахте З.Р. дар беморхона ба ҳалокат расидааст ва мусофиронаш Дахте Валие Бахшалиевна, соли таваллудаш 1944, Дахте Наргис Зауровна,  соли таваллудаш 1973 ва Дахте Рауф Норималиевич, сокинони шаҳри Душанбе, ҷароҳатҳои гуногуни ҷисмонӣ бардошта, дар беморхона бистарӣ гардидаанд.
Оид ба ин ҳодисаҳо таҳқиқот идома дорад.