9 августи соли 2024 пас аз анҷоми ҷаласаи навбатии Шӯрои Вазирони корҳои дохилии давлатҳо - узви Иттиҳоди Давлатҳои Мустақил дар шаҳри Мински Ҷумҳурии Беларус барои намояндагони Воситаҳои ахбори омма Нишасти матбуотӣ  баргузор гардид.
Дар он Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро ва дигар роҳбарони вазоратҳои корҳои дохилии давлатҳои аъзои ИДМ иштирок намуданд.
Вазири корҳои дохилии Ҷумҳурии Беларус генерал-лейтенанти милитсия Кубраков Иван Владимирович ҳамкориҳои гуногунҷабҳаи Вазоратҳои корҳои дохилии кишварҳои узви Иттиҳоди Давлатҳои Мустақилро дар мубориза бар зидди ҷинояткорӣ манфиатбахш арзёбӣ намуд.
Зикр гардид, ки ҷаласаи навбатии Шӯрои Вазирони корҳои дохилии давлатҳо - узви ИДМ барои тақвият бахшидани ҳамкориҳои мутақобилан судманд дар мубориза бар зидди ҷинояткорӣ ва дигар таҳдиду хатарҳои замони муосир мусоидат хоҳад кард.