8 августи соли 2024 дар ҳошияи ҷаласаи навбатии Шӯрои Вазирони корҳои дохилии давлатҳо - узви Иттиҳоди Давлатҳои Мустақил дар шаҳри Мински Ҷумҳурии Беларус Вазири корҳои дохилии Ҷумҳурии Тоҷикистон генерал-полковники милитсия Рамазон Раҳимзода аз Маркази таълимии ВКД Ҷумҳурии Беларус дидан намуд.
Зимни шиносоӣ маълумот дода шуд, ки Маркази мазкур дар масоҳати 72 гектар ҷойгир буда, муҳлати курсҳои таълимӣ аз се то сеюним моҳро дарбар мегирад.
Тамоми нафароне, ки ба мақомоти корҳои дохилӣ ба кор қабул карда мешаванд, ҳатман дар Маркази таълимии мазкур аз курсҳои кутоҳмуддати омӯзишӣ мегузаранд.
Дар ҷараёни боздид, аз ҷониби курсантони Академияи Вазорати корҳои дохилии ин кишвар машқҳои тактикӣ-низомӣ дар сатҳи баланд иҷро гардиданд.
Айни ҳол, дар ин марказ курсантони Академияи Вазорати корҳои дохилии Ҷумҳурии Беларус ба курсҳои омӯзишӣ-таълимӣ фаро гирифта шуда, бо тамоми шароити мусоид таъмин мебошанд.
Гул Маҳбуба